أخبار متفرقة
معقول!!! الأب مجدي علّاوي يسير عكس التيّار ويطلب من المسيحيين عدم الصوم
لبنان/ أليتيا (aleteia.org/ar)للوهلة الأولى يفاجئنا ما كتبه الأب مجدي علاوي السنة الماضية على صفحة سعادة السماء: “رح امشي خلف التيار وقلكن ما تصوموا”. ولكن ما كتبه بعدها على كل مسيحي قراءته. ولادي… ببداية زمن الصوم المبارك… رح إمشي عكس التيار وقلكن عن شو ما تصوموا: – ما تصوموا عن الحب، لأنو ما في شي بيخليكن تستمروا…
لبنان/ أليتيا (aleteia.org/ar)للوهلة الأولى يفاجئنا ما كتبه الأب مجدي علاوي السنة الماضية على صفحة سعادة السماء: “رح امشي خلف التيار وقلكن ما تصوموا”. ولكن ما كتبه بعدها على كل مسيحي قراءته.
ولادي… ببداية زمن الصوم المبارك… رح إمشي عكس التيار وقلكن عن شو ما تصوموا:
– ما تصوموا عن الحب، لأنو ما في شي بيخليكن تستمروا إلا الحب…
– ما تصوموا عن الاشتياق، هيدا أجمل شعور بحسسنا إنا بعدنا موجودين…
– ما تصوموا عن عمل الخير، بالخير الله بيحمينا وبيحمي ولادنا وعيالنا…
– ما تصوموا عن الوجع، ما رح نتطهّر بلا أنين وبلا وجع…
– ما تصوموا عن الأنانية، كونوا أنانية واطمعوا بحب كل يلي حواليكن، يمكن تكون آخر مرة بتشوفهن…
– ما تصوموا عن السهر، ال 12 ساعة مش كافيين تنحقق طموحاتنا.
– ما تصوموا عن البكي، يمكن يجي نهار وما بقى فيكن تبكوا من كتر البكي…
– ما تصوموا عن الابتسامة، يمكن تغيّر بحياة اللي حواليكن…
– ما تصوموا عن اللقاء واللقاء واللقاء، يمكن اللقاء الثاني يكون كتير بعيد…
– ما تصوموا عن تغنيج ولادكن، يمكن الحياة والأشغال تاخدن لمطارح بعيدة…
– ما تصوموا عن السؤال، أوقات السؤال بيغير إجابات كتيرة…
– ما تصوموا عن الموسيقى، يمكن ترقصوا علحن الوجع بلا موسيقى…
– ما تصوموا عن الألوان، يمكن حادث يخطف بريق اللون من عيونكن…
– ما تصوموا عن القداس، هونيك بتلتقوا بكل حدا بتحبو…
– ما تصوموا عن العطر، هوي الذكرى والبصمة والمكان…
– ما تصوموا عن يسوع، هوي البداية هوي يلي قال ما في نهاية…
– ما تصوموا عن العطاء… ربنا أكرم بكتير…