أجمل قصيدة من كاهن في عيد الأمّ

أمريكا/أليتيا(aleteia.org/ar)لمن ع إيديها تقلت الحملات

تقطف من الورد ميّة شمّة

ولمن من عيونها نشفوا الدمعات

تشحد من السما ألف غيمة

ولمن بقلبها وقفوا الدقات

تنسج من ترابها مليون يَمّي….

ببعد بترك بنسى همي

بشلح قلبي بالعتمات

بزعل ببكي بلاقي إمي

عم بتضويلي النجمات

حدك يا إمي بستحلي

إبني قلعة من صلا

إتعب إجني متل النحلة

طير وعللي بهالفلا

لو هالدنيي تسمحلي

إشبع من قلبك آهات

نكمّل سوا هالرحلة

وغمّض عيني بالعتمات

وفينا نقول:

لو هالدنيي تسمحلي

إشبع من قلبك يا ريت

نكمل سوا هالرحلة

وغمّض عيني عالسكيت

العودة الى الصفحة الرئيسية 

‎